Art

Finally! May iba na ding pinaguusapan sa Pilipinas! Hindi disappearing funds, fast hands, magic helicopter at breast implants. Medyo bago, tungkol naman sa sining.


Ang usap-usapan ngayon ay ang tinuturing ni Mideo Cruz na 'art'. Naghakot ito nang sandamakmak na reaksyon mula sa Katoliko at art fans, may masama at may pangpipilosopo. Binuksan ang isang segment ng CCP na nagngangalang 'Poleteismo' para tanggapin ang malaswang utak ni MC. Oo, sa salitang malaswa alam mo nang tutol ako. Lagyan ba naman nang etits ang pinaniniwalaan mo, sinong hindi mababadtrip? Ikaw kaya?


Pero wala ako sa lugar para husgaan ang puso at inspirasyon ni Mideo sa tinuturing niyang art. Sabi nga nila, art is everything. Lahat ay art. Walang konkretong depinisyon. Mapa-ganda o mapa-hirap intindihin, ito ay art. Siguro iyon ang issue sa ating mga tao ngayon, na ang art ay dapat maganda lamang. Siguro oo, siguro hindi. Ewan.


Freedom of expression! Kaya kahit mabuti o hindi, puwede! Kasi meron tayong batas na freedom of expression. Murahin ko kaya ang presidente? Puwede! Kaso kung ako murahin niya? Bawal! Edi kelan natin malalaman ang linya mula sa paglalabas nang saluobin at pangbabastos? Ewan ulit.


Tinanong ko si Mideo Cruz kung bakit ganun ang art niya. Sabi niya na gusto niyang makakuha nang atensyon at magbigay nang pagiisipan ang tao. Swak na swak ang mga rason niya. Napaisip ang tao! - kung pano siya bawian, saktan nang mga nabastos. 2002 pa nga yung ganyang art niya e, nanalo pa siya dati ng awards sa lagay na yan. E bakit ginagawang malaking issue yan ngayon? Dahil sa media. Ang malulupit na salarin. Kayang magpalaki nang isang bagay at kayang magpaliit nang higante. Iba talaga.


Siguro ang punto ko lang sa huli ay hindi lahat Katoliko at hindi lahat artist. Puwede niyang gawin ang ginawa niya, nagawa na nga niya e! May mga taong may pinaniniwalaan at may mga taong walang pinapaniwalaan. Sana hindi na lang niya ginamit ang pinaniniwalaan ng mga tao na paksa sa malaswang tema. May freedom of expression nga siya sana inisip niya kung may matatapakan o wala. So wag na lang kaya mag-art kasi kahit anong mangyari may tututol? WAG. Importante ang nagawa nang sining sa mundo. Siguro dapat maging sensitibo lang tayo sa mga ginagawa natin.


Kung pinapaniwalaan mo nga si Jesus Christ, hayaan mo na Siyang humawak sa mga bagay bagay. Wag na tayong makipagaway kasi hindi yan ang turo. Respeto ibigay kay Mideo, malay mo, respeto din ang ibalik niya. Art is everything. But Jesus is more than anything. Chill ka lang.

KAILANGAN MAINFORM TAYO!

Ito na naman tayo, may bago na namang internet sensation. Pagkatapos ni Rebecca Black, may matapang na sumubok nang pakiramdam nang lime light. Syempre, hindi niya sinasadya ang pagkasikat. Ito na si - Christoper Lao!

Sa mga nagdaang linggo ay dinaan nang sunod-sunod na bagyo ang Pilipinas kung kaya't hindi maiiwasan ang baha. Nagkaroon nang kakaibang storya tungkol sa mga nagdaang bagyo - hindi dahil sa may mga namatay, hindi dahil nasira ang milyong-milyong pananim, at hindi dahil sa kailanganan ng tagapagligtas si Christine Reyes. May sumubok gawing barko at patawirin ang sariling sasakyan sa isang malalim na baha. Panuorin:


Christoper Lao and his floating car

Kahit sino naman ata natawa sa nangyari, bakit mo nga isusuong sa baha ang sasakyan? Kahit sabihin pa nating mababaw ang baha, hindi pa din dapat dahil pagnapasukan ng tubig ang tambutcho, deds ang sasakyan.


Dahil sa kakaibang pangyayari ay nakakuha nang malawakang paghusga si Christoper Lao hindi lang dahil sa mababaw na pagkakamali pero nainsulto daw ang katalinuhan at pag-aaral niya. TagaUP siya, Law pa ang kurso. Ani ng iba, 'Law sa UP? E diba common sense ang kailangan dun? Pano yan grumaduate?'. Masakit na mga paratang, maski si Hitler ay narinig ang tungkol sa nangyari at napabigay na din siya ng comment sa sobrang inis:


Hitler on Christoper Lao

At nabalita na din ito sa CNN dahil sa mga internet bully. Grabe, sikat na sikat ka na bro!:


CNN: Phenomenal rise to fame of Filipino Law

Ok, ito na naman tayong mga Pinoy mahilig pagtawanan ang mali. Mahilig kutyain ang hindi kanais-nais sa mata. Imbis na mabigla sa mga nangyayari ay naisip pa nating pagtripan ang tao. Siya na nga ang nadyahe siya pa ang 'laughing stock' ng Pinas. Pesteng mga internet bullies pa, kala mo kung sinong hindi nagkakamali.


Na-'caught off guard' lang yung tao kaya sari-saring emosyon ang nalabas niya. Hindi kasi siya na-inform na iinterviewhin. Kahit sino na naman masasabing mababaw ang mga palusot niya, pero sa tingin mo bang ikaw na hindi pa gumagraduate o kaya walang maayos na edukasyon ay makakasagot nang mas maayos kaysa sa kanya?


Sa huli, natawa pa din ako. Isang lumang trip na naman ang muling ipinanganak na mas malala pa sa planking at owling - panghuhusga. Wala tayong karapatang manghusga. Nagkamali lang yung tao at nagkataon na may kamera. Pusta ko, mas nakakahiya pa pagnahuli ka sa aktong nangungulangot sa pangpublikong lugar.


Pinas, hanapin natin ang tama hindi ang mali.